虹口糕团食品厂

虹口糕团食品厂个旗舰店

虹口糕团食品厂是上海市虹口区个一家糕点企业，1960年2月份合并成立。2022年评为上海老字号。现在工厂勒垃宝山区，全市多地有得门店，旗舰店勒垃四川北路山阴路口个宝华商业广场里向，特色产品是伊首创个“年糕团”。

1956年1月份，公私合营运动中，原虹口区20家糕团店合并成立虹口糕团厂，原提篮桥区18家合并成立提篮桥区糕团厂。1960年2月因两区合并，侪併勒一道，改名虹口糕团总厂，厂址设勒西江湾路。1999年改制成股份制企业，2016年，工厂搬到宝山高新技术产业园里向。2022年12月份，旗舰店搬到宝华商业广场里向，现做现卖。2023年又推出黑芝麻咖啡、红豆沙奶茶咾啥个特色饮品。

2020年新冠疫情里向，同勒四川北路丄个老字号食品企业四新食苑受到个冲击严重巴辣个，资金困难呒办法维持经营，经区里向协调，虹口糕团食品厂协助出钞票恢复门店。