盧家灣聖伯多祿堂

出自维基百科,自由个百科全书
(从上海聖伯多祿堂转戳到箇里)
重慶南路聖伯多祿堂正面外景
聖伯多祿堂內景(攝于聖周

上海盧家灣附近个聖伯多祿堂垃拉重慶南路270號,1933年由法國華僑集資興建。該堂建築式樣別致,正門高頭有得頭戴皇冠个聖伯多祿宗徒石像浮雕,系由整塊大理石雕刻而成。抗戰勝利後,伯多祿堂就作爲上海教區个國際性活動場所。聖伯多祿堂也是上海教區光啟社搭上海天主教知識份子聯誼會个所在地。

敎堂历史[编辑]

1908年,上海天主敎會擔創辦於徐家匯个震旦學院(后改名震旦大學,1952年撤銷)遷到了呂班路(今重慶南路)。震旦學院裏向有擔任行政工作搭任敎職人員个外國傳敎士,伊拉要過宗敎生活,告咾震旦學院裏向有一隻小敎堂。 震旦學院於1903年勒徐家匯初創辦時,還嘸沒一個敎徒學生。遷到呂班路之後,敎會逐步擔學院辦成了有醫學院、法學院、理工學院个正規大學,並改名震旦大學,學生中也有了敎徒。迭能一來,震旦大學个小敎堂就成爲校內天主敎徒過宗敎生活个場所。

1924年,震旦大學共有學生392人,其中72人是敎徒。隨著敎徒學生个增加,震旦大學內个小敎堂已顯得小哉。

1933年開始建造一所比較大个敎堂,次年落成,取名聖伯多祿加尼削敎堂。聖伯多祿加尼削敎堂落成后,弗排滿足了震旦大學天主敎徒師生宗敎生活个需要,外加也成了當地敎徒開展宗敎活動个主要敎堂。由於敎徒對天主敎稱爲聖人个聖伯多祿加尼削個宗敎人物弗熟悉,敎會決定改用聖伯多祿來命名,稱聖伯多祿敎堂,簡稱伯多祿堂。聖伯多祿是耶穌十二門徒之一,敎徒儕老熟悉。(上海各主要天主堂旁一般儕開設敎會小學,伯多祿堂亦弗例外,其旁開設个小學名叫磐石小學。伯多祿是拉丁文Petrus个音譯,意即磐石。)

1937年淞滬會戰爆發後,原來聚居勒南市董家渡一帶个大批富裕信徒移居上海法租界裏向,乃末該堂成爲上海敎區一隻重要堂口。

1966年“文革”開始後並占爲他用,建築交電子管風琴等設施均遭嚴重破壞。

1984年,天主敎上海敎區恢復伯多祿堂,並勒聖誕節開放。

1995年1月,南北高架建設時,該堂由原址向西側稍移後重建。

1996年初,新堂建成,總建築面積4000平方米,基本上仿照原建築風格。乃朝是天主敎上海敎區爲在滬外國人開設英語專場彌撒个敎堂。同年上海天主敎知識份子聯誼會定居伯多祿堂。

1998年上海敎區光啟社遷到伯多祿堂。

2002年6月起君王堂英文彌撒遷移至該堂。聖伯多祿堂爲市區敎友較爲集中个一所聖堂,現爲浦西東區總鐸座堂,有常駐神父4位。

彌撒時間[编辑]

  • 平日彌撒(週一到週六)
    • 中文弥撒 7:00(每月第一個週五彌撒後有聖體降福)
  • 主日彌撒(週日)
    • 中文彌撒 7:00
    • 中文彌撒 9:00(每月一、三主日該彌撒後有追思)
    • 英文彌撒 11:00
    • 韓文彌撒 17:00
  • 提前主日彌撒(週六)
    • 英文彌撒 17:00
    • 中午彌撒 18:30

參見[编辑]