跳转到内容

上海浦东中邦足球俱乐部

出自维基百科,自由个百科全书
(从上海群英足球俱乐部转戳到箇里)

上海中邦足球俱乐部,简称上海中邦,是一家已经撤销个中国足球俱乐部,老底子踢个是中国足球甲级联赛,阿末隻主场设勒上海浦东新区源深体育中心体育场。

俱乐部历史

[编辑]

2003年,上海第九城市足球队参加呒没升降级个业余丙级联赛,获得第4名。而另一支勒垃2002年丙级联赛丄进入八强个上海天娜(前身地区体工队上海青浦梅花)参加2003年个乙级联赛获得第四名。年底,第九城市队老板朱骏拿上海天娜足球俱乐部收购脱,成立了上海九城足球俱乐部

2004年上海九城参加中国足球乙级联赛,全年勿败,拿着冠军,升级到第二年个甲级联赛里向。2005年4月份,球队改名成中性名上海联城,表示“团结友好”[1],必过阿末呒没冲进中超。年底,朱骏收购中超球队上海中邦,拿箇隻俱乐部转让出去。

2006年上海中欧集团接手,拿俱乐部名字改成上海群英足球俱乐部,冠名上海康博,调脱队徽,让刚刚帮上海中邦俱乐部发生矛盾箇么退役个上海足坛名将申思出任主教练。2007年,俱乐部冠名上海七斗星继续参与2007年中甲,因为头五场联赛只拿着3分,让申思辞职,领队彭伟国兼任,必过球队成绩还是弗灵光。5月底,俱乐部宣布聘请曹限东做主教练。因为呼和浩特弃权,球队最后呒没降级危险。

2008赛季前,中邦集团入主,俱乐部搬去无锡,改名无锡中邦,俱乐部则改名上海众邦足球俱乐部,众邦、中邦分别做俱乐部、球队个冠名,主教练是上海足球名帅马良行,是中邦集团第二趟入主足球队。

2009年,球队回到上海,改名上海中邦足球俱乐部,开始用浦东中邦箇隻名字。俱乐部投资人卫平还是近十年前上海浦东足球俱乐部(後来个上海国际陕西浐灞贵州人和)个投资人。联赛刚开始,主帅马良行成绩一塌糊涂,刚刚做助理教练、梯队总教练个申思上来救火。

2010年年底,年年吭吃瘪肚要保级个上海浦东中邦帮连年冲超弗成功个上海东亚进行战略合作,中邦个优秀球员优先转会去东亚,中邦俱乐部则勒垃同年12月29号帮上海市体育局签约承担以东亚梯队球员为主个十二运男足甲组球队个全运会备战任务,聘请成耀东做球队主教练,2011赛季征战乙级联赛[2]

2011年1月28号,贵州智诚花仔约莫500万人民币帮上海中邦足球俱乐部签订《资产转让合同书》,收购脱中邦个中甲资格,中邦去打乙级联赛。2011年,球队叫上海中邦,获得乙级联赛南区第五名,2012年则获得北区第六名,侪呒没进入复赛。2012年12月27号,上海东亚冲超成功,为咾充分整合上海足球资源,队伍里向个人回到东亚手里向。[3]乘枪势里,中邦集团无条件终止同东亚个三年合作协议,让中邦全运队无条件回归东亚,无条件转让中邦足球训练基地。[4]

卫平帮朱骏交叉投资个两支球队

[编辑]

卫平个中邦集团朱骏个第九城市侪曾投资过两支相同个球队。一支是珠海中邦足球俱乐部(前身大连赛德隆足球俱乐部),搬到上海以后叫上海中邦足球俱乐部,畀当时上海九城足球俱乐部个老板朱骏收购,中邦集团保留10%股份,享有2006赛季冠名球队个权利,改名为上海联城足球俱乐部联城中邦队。申花联城合并以后,中邦集团曾淡出足球界一段辰光。另外一支是原先个上海九城足球俱乐部(前身上海天娜足球俱乐部),畀朱骏卖脱以后,几经转手,到仔中邦集团手里向,先搬去无锡後回到上海,改名上海中邦足球俱乐部浦东中邦队

年度 球队 级别 球队 级别
2000年 上海青浦梅花 大连足球特区 乙级
2001年 大连赛德隆 乙级
2002年 上海天娜 丙级 甲B
2003年 乙级 珠海安平 甲B
2004年 上海九城 乙级 珠海中邦 甲级
2005年 甲级 上海中邦 中超
2006年 上海康博群英 甲级 上海联城中邦 中超
2007年 上海七斗星 甲级 合并解散
2008年 无锡中邦 甲级 -
2009年 上海浦东中邦 甲级
2010年 上海浦东中邦 甲级
2011年 资产转让
卫平拥有 朱骏拥有

参见

[编辑]

参考

[编辑]
  1. "九城更名联城未有好运 主场1-1遭河南建业逼平". 搜狐体育. 2005-04-16. Retrieved 2008-12-31. 
  2. "成耀东挂帅男足甲组征战中乙 全运会目标保三争一". 上海热线. 2010-12-29. Archived from the original on 2012-02-29. Retrieved 2012-03-08. 
  3. "东亚收回中邦小队根宝证实战怡麟转会达口头协议". 上海热线. 2013-01-07. Archived from the original on 2013-02-27. Retrieved 2013-01-07. 
  4. "15年后中邦彻底退出足坛卫平:中邦全运队回东亚". 上海热线. 2013-01-08. Archived from the original on 2016-03-04. Retrieved 2013-01-08.