上海环球乐园

上海环球乐园是中華人民共和國上海市嘉定區歷史丄座游乐园，勒垃沪嘉高速公路南翔出口北面，占地约6.67公顷，是南翔经济发展总公司、深圳蛇口泰山集团、上海绿洲房地产公司、成都招商实业发展公司、深圳造币公司、成都深春实业发展公司、南方置业公司等企业一淘造个。乐园名字是国务院副总理钱其琛题写个，1996年9月份正式开放，里向按照1:1原型仿造一批世界出名个景点。開業第二年，上海环球乐园就虧得唻裤脚管也要没了，到2000年停止对外营业。环球乐园倒闭脱仔么，周边个老百姓勒垃夏天溜进去游泳，淹死脱个也有，阿末警察用铁丝网拿乐园圈起来。後來，南翔镇勒垃箇地方造仔留云湖公园，2012年造好对外开放。新公園里向有座叫留云湖个湖。