上海市聋哑青年技术学校

上海市聋哑青年技术学校，也叫上海市鹤琴职业教育学校、上海市鹤琴高级中学，勒垃中华人民共和国上海市徐汇区老沪闵路，是上海市教育委员会直属、上海市静安区教育局（原闸北区教育局）管理个培养聋哑人士、智力障碍、自闭症咾啥个学生仔个中等职业技术学堂，也是中国头一所聋哑青年中等职业技术学堂^[1]，占地面积12488.33平方米，操场面积2308平方米，建筑面积12927平方米。

箇学堂是1947年个辰光陈鹤琴创办个，伊辰光叫上海特殊儿童辅导院^[2]，只招收聋人哑子。1952年，上海市教育局勒垃闸北区柳营路设立上海特殊儿童辅导院初中文化补习班。1953年，补习班改名技术班。1956年，学堂改名上海市聋哑青年技术学校。1967年，搬到老沪闵路。“文化大革命”辰光停办，1973年复学^[3]。1996年，学校创办聋人工艺美术综合高中班。2010年开始，学堂每年接收4到5名西藏学生仔。

2017年开始，学堂招收生智力障碍、自闭症、脑瘫个学生仔，新增校名上海市鹤琴职业教育学校^[4]。