上海豫园足球俱乐部

上海豫园足球俱乐部（Shanghai Yuyuan FC）是上海一支撤销个足球俱乐部，总部设勒上海南市区豫园边丄，是20世纪90年代上海足坛一支踢甲B联赛个足球俱乐部。

球队历史

1994年，上海大顺队（上海二队）获得中国足球乙级联赛亚军，升到甲B联赛里向。

1995年6月23号，上海二队正式组建成上海大顺足球俱乐部，阿末少脱2分冲甲A失败。

1995年12月10号，豫园旅游商城咾啥个公司一淘投资，勒垃大顺足球俱乐部基础丄建立豫园足球俱乐部。球队帮伊辰光个上海浦东队是甲B联赛丄两支上海地区个球队，豫园勒垃後头两年里向排勒甲B第五、第六，成绩侪比浦东好。

1998年初，俱乐部产权转让，改名上海东视有线足球俱乐部，3月13号再改名上海汇丰足球俱乐部。同年下半年，航星集团入主球队，俱乐部又拿名字改脱，变成上海汇丰足球俱乐部航星队。球队战绩一塌糊涂，箇年是联赛阿末名，降级。

1999年，上海足球整合，拿降级个上海航星队合并到浦东惠而浦队里向去，原先隻俱乐部直接撤销哉。