上海水上运动场

上海水上运动场，又叫上海市水上运动场，是中國上海青浦區淀山湖东南角、淀浦河西端个一座赛艇、皮划艇、帆船、帆板体育场搭仔训练基地。陆地面积222195平方米，水上面积676000平方米，建筑总面积18270平方米，主航道长2250米，宽150米，水深3米。赛艇水道有6条,皮划艇水道9条。水上运动场还有得网球场、篮球场、排球场。

历史

1981年，上海市体育运动委员会为咾迎接中华人民共和国第五届运动会勒垃上海召开，决定勒垃青浦县朱家角镇个淀山湖湖边造一座水上运动场。工程1982年2月2号动工个。1983年8月份造好，交付畀中华人民共和国第五届运动会赛事方。中华人民共和国第五届运动会个水上竞赛项目就勒箇𡍲举行。后来迎接第二届亚洲赛艇锦标赛、1993年东亚运动会、中华人民共和国第八届运动会、2021年世界赛艇锦标赛，上海水上运动场又扩建修缮多埭。