跳转到内容

上海开放大学

出自维基百科，自由个百科全书
上海开放大学
上海远程教育集团
Shanghai Open University
Shanghai Distance Education Group
上海开放大学国顺校区侧门，位于政法路195号。
校训 有教无类 乐学致远
创建时间 1960年
学校类型 公立大学
校长 贾炜[1]
党委书记 楼军江
学生 约7万
校址 中国 中华人民共和国上海市杨浦区国顺路288号（国顺校区）
隶属于 上海市人民政府
国家开放大学系统
邮编 200433
网站 http://www.sou.edu.cn/
上海开放大学民星路校区（民生学院）

上海开放大学（上海远程教育集团），老底子叫上海电视大学，是上海市一所公办成人高等院校，通过远程教育等方式，畀成年人开展本专科教育[2]。

历史

[编辑]

1960年4月6号，复旦大学、华东师范大学、华东化工学院咾啥个上海个高校帮上海人民广播电台联合成立上海电视大学，是中国大陆顶早个广播电视大学[3]，伊辰光是上海市高等教育局底下个，时任华东师范大学党委书记、副校长常溪萍兼做头一任校长；复旦大学副校长苏步青、华东化工学院院长张江树、上海市总工会副主席沈涵、上海市教育局副局长马飞海兼任副校长，总部设勒永安大楼五楼。学堂成立前，勒垃3月份招收17940名学生子。箇辰光，学堂有数学、物理、化学、中文等专业，明确部分课程个结业水平对标大学本科毕业水平。全上海市後首来成立28隻电大辅导站、576隻收看点，公开招学生子，通过自学、广播、面授辅导个方式教书。头一届学员1966年毕业，获得个文凭到1981年追认是有效个大学本科文凭。1966年6月份，学堂因为文化大革命爆发，停办[4]。

1978年3月份，上海市革命委员会批准复办电视大学，举办成人大专教育，总部还是勒垃永安大楼五楼内，同上海电视台社教组摆勒一道。当年，上海电视大学录取新生7707人。1979年2月份，上海电大帮上海业余工业大学（乃朝上海第二工业大学）联合办学，学生子规模一度有得上海大学生总数个三分之一，弥补文化大革命造成个人才、知识断层，较大提升上海教育系统里向老师个学历；1979年5月份，学校搬去陕西北路80号，搭业余工大合署办公。1983年7月份，上海电大搬到控江路1130号。1984年7月份，电大校址同杨浦区业余大学交换地脚，搬去鞍山七村24号（乃朝阜新路25号）[5]。1987年7月1号，上海电视台正式启用有线电视26频道，专门放电视大学个教育节目；1989年开始，电视大学试点招收“往届生”；1994年，放送电大教育节目个26频道划畀电视大学底下个上海教育电视台[6]。

1980年代末开始，上海电视大学生源一记头少脱交关。为咾学校发展，电视大学开仔计算机应用、英语、金融等专科升本科（专升本）课程，广泛投入社会培训，最早提出开展“上海市计算机应用能力考核”项目。1996年，依托中央电大个资源，举办专升本教育。1998年，独立举办开放专科教育，考试权畀上海市教委管理，采用“免试入学、宽进严出”个模式，实施学分制管理[3][4]。

2000年1月24号，经上海市人民政府批准，上海电视大学拿上海教育电视台、上海电视中等专科学校、上海市电化教育馆合并脱，联合组建上海远程教育集团[4]。2002年，上海市教委同意拿华东师范大学国顺路校区（原上海教育学院）有偿划转畀上海电视大学[7]。2004年9月份，上海电视大学定下来伊个校训是“有教无类，乐学致远”[8]。同年11月份，上海电视大学国顺路校区新教学楼完工投用[9]。

2010年10月份，国务院办公厅印发《关于开展国家教育体制改革试点的通知》，明确上海电视大学是开放大学试点[10]。2012年6月份，教育部发布教发函〔2012〕105号，批准上海电视大学改名上海开放大学，撤销原上海电大建制[11]，承办上海市终身教育学分银行[12]。同年7月份，上海监狱引入远程教育，同上海开放大学一道合作成立上海开放大学普晟分校[13]。2014年，开放大学成为学士学位授予单位[14]。2020年12月13号，上海开放大学开设个家政学本科专业头一趟招生[15]。

院系设置

[编辑]

学堂有公共管理学院、经济管理学院、理工学院、人文学院4隻二级学院，46隻专业，勒垃上海市有40所分校、教学点[2][16]。箇当中，国顺路校区、阜新路校区、中原路校区是学堂三隻直属校区[5]，其他个侪是挂牌校区或者分校。

也好看看

[编辑]
  • 易班：一款上海开放大学底下个企业开发个大学在线互动社区

参考

[编辑]
  1. ↑ "第一教育APP：上海开放大学校长贾炜：建设平台型大学 服务全民终身学习". [链接坏脱]
  2. ↑ 2.0 2.1 学校简介. 上海开放大学. 原始文档勒2017-09-25存档. 访问日脚2025-12-15.
  3. ↑ 3.0 3.1 （1997-09）上海工运志 ．上海：上海社会科学院出版社．ISBN 7-80618-351-5．於2019-01-28参阅．（存档，垃2016-03-27） 
  4. ↑ 4.0 4.1 4.2 （2007-05）上海成人教育志 ．上海：上海社会科学院出版社．ISBN 978-7-80745-013-9．於2019-01-28参阅．（存档，垃2017-02-27） 
  5. ↑ 5.0 5.1 （2003）百年大学看杨浦 ．上海：上海高教电子音像出版社．ISBN 7-88392-271-8．於2019-01-29参阅．（存档，垃2019-01-29） 
  6. ↑ 上海广播电视志 ．上海：上海社会科学院出版社．ISBN 7-80618-658-1．於2019-01-28参阅．（存档，垃2016-04-27） 
  7. ↑ 大事记（5）. 上海电视大学. 原始文档勒2007-01-03存档. 访问日脚2019-01-29.
  8. ↑ 大事记（2）. 上海电视大学. 原始文档勒2007-01-03存档. 访问日脚2019-01-29.
  9. ↑ 大事记（1）. 上海电视大学. 原始文档勒2007-01-04存档. 访问日脚2019-01-29.
  10. ↑ 教育部对十三届全国人大一次会议第5120号建议的答复. 中华人民共和国教育部 (2018-12-25). 访问日脚2019-01-28.
  11. ↑ 张骞 (2012-08-14). "上海电视大学正式更名为“上海开放大学”". 东方网上海频道（据新民晚报）. Archived from the original on 2020-11-04. Retrieved 2019-01-28. 
  12. ↑ 教育部关于同意上海电视大学更名为上海开放大学的批复. 福建广播电视大学 (2012-06-21). 原始文档勒2019-01-08存档. 访问日脚2019-01-29.
  13. ↑ "改革开放40周年 | 40年来，上海监狱改革步伐不曾停顿". 
  14. ↑ 历史沿革. 上海开放大学. 原始文档勒2017-10-30存档. 访问日脚2025-12-15.
  15. ↑ "上海启动家政本科专业招生 培养高质量“上海阿姨”". Retrieved 2020-12-13. 
  16. ↑ 组织结构. 上海开放大学. 原始文档勒2017-10-30存档. 访问日脚2025-12-15.

外部链接

[编辑]
取自“https://wuu.wikipedia.org/w/index.php?title=上海开放大学&oldid=383632”