上海市进才实验中学

上海市进才实验中学
成立	2001年（上海市进才中学基础实验部）
類型	公立初级中学
地區	中华人民共和国上海市浦东新区
年级	6（预备）至9（初三）
校長	杨龙
教師人數	113（2011年）
職員人數	111（2010年）
學生人數	1,300（2010年）
刊物	《朝花》
占地面积	30,144.98平方米
校训	崇尚理性，独立思考
办学理念	为每位学生的卓越发展服务
地址	上海市金松路191号
網站	www.jcsy.pudong-edu.sh.cn

上海市进才实验中学，简称进才实验，是一所勒垃上海市浦东新区金松路个公立初级中学。2001年8月份成立，老底子叫上海市进才中学基础实验部，2003年改叫上海市进才实验学校，2010年6月份初中部帮小学部分离，原初中部（6到9年级）改名搬过来。伊个对口招生、直接影响范围是浦东新区花木街道联洋新社区，也招收部分弗对口个学区外特长生。进才实验中学同时也是“全国青少年集邮活动示范基地”，有得中国头一家青少年邮局。

历史

上海市进才实验中学前身是2001年创立个“上海市进才中学基础实验部”，是上海市进才中学下头个学堂。2003年8月份，勒垃基础实验部个基础丄成立上海市进才实验学校，是一所九年一贯制个公立学堂，是联洋新社区个配套设施。招生对口范围为居住在联洋新社区的新居民。

上海市进才实验学校成立以後，小学部、初中部侪勒垃金松路191号。後来，因为社区居民长唻邪气块，学生越来越多，校区资源难以满足需求，2008学年开始，小学部部分年级搬去浦东新区花木街道丁香路1289号，原进才中学国际部丁香路校区。2010年6月份，上海市进才实验学校正式拆分乘两所独立个学堂，原初中部变成上海市进才实验中学，原小学部成为上海市进才实验小学。

学堂概况

学堂大门

学堂俯瞰

上海市进才实验中学勒垃浦东新区联洋新社区，占地31,680平方米，建筑面积29,800平方米，绿地面积16,715平方米，另外有14200平方米是体育场地。

教学设施

学堂有好容纳400名学生个多功能图书阅览室，藏书约有5万册，另外有得开放式书吧。乃朝教学楼设有教室36间，有教学辅助用房、实验室等约50间。顶大个听课场所是一间有418隻位置个报告厅。学堂还专门有畀公开课准备个录播教室。所有普通教室侪配备全套多媒体教学设备。

体育设施

进才实验中学有片400米周长个环形塑胶跑道搭仔纯草坪足球场（大操场），勒垃2002年是维利博尔·米卢蒂诺维奇个中国国家足球队勒垃2002年世界杯前个赛前训练场地。操场西北面有两片室外灯光标准篮球场，操场南面也有几隻非标准小篮球场。足球场北面是一片标准沙滩排球训练场地。教学楼里向有两片室内标准排球比赛场地（兼做羽毛球场地八片），室内排球场多趟成为上海市交关官方排球比赛个场地。学堂里向还有得面积约莫500平方米个室内乒乓房。

进才实验中学操场全景

学堂标志

校刊《朝花》

校徽

进才实验中学个校徽是学堂学生子自主设计个，当中是篆体个“进才”字样，两旁是“S”、“Y”字样，意思是“进才实验”，高头是四隻飞个鸽子，意思是同学勒垃箇学堂里向快乐学习、全面发展、放飞梦想。

校刊

学堂有官方刊物《朝花》，一般每学期出版两趟，免费分发畀学生，主要刊登学堂个新闻动态、师生风采、老师论文、优秀个人或集体事迹、学习经验介绍、外加优秀学生作文、美术、摄影作品。每一期校刊个封面侪弗一样，主要是学堂各地个照片。刊物个设计、编辑者是学堂个语文老师外加一些写作水平较高个学生。学堂有辰光会得发行专门设计个纪念册，比方讲十周年校庆个辰光。

校歌

进才实验中学个校歌《放飞梦想》个歌词是学生自主创作个，歌原曲是张小柯个。

相关内容

维基共享资源里向寻得着搭该篇文章搭界个多媒体资源：

上海市进才实验中学

• 上海市进才实验小学
• 上海市进才中学
• 上海市进才实验学校

外部链接

• 官方网站
• 进才实验中学专页-浦东新区教育局^{[链接坏脱]}