上海市虹口区江湾医院

上海市虹口区江湾医院，勒垃中國上海市虹口區，是三级康复专科医院。

历史

1922年，蔡香荪、朱子云、王汉礼、徐可陞等人创设江湾医院，一开始至少拉起帮医生，每年夏天来了江湾镇武圣殿个空地浪向摆3隻号头个摊头。後首来，醫院造仔栋楼，必过还是只勒垃夏天三隻号头开业个。1932年一二八事件发生仔么，医院建筑坏脱，各界又畀江湾医院重新造仔栋新楼。1933年10月份，上海市卫生局接管江湾医院，改名江湾区卫生事务所，後來又拿名字改回去。

曾搬到四川北路1878号个上海市虹口区江湾医院舊址

1953年9月份，新个江湾医院造勒逸仙路、场中路路口（场中路22号），畀第二军医大学管理。1985年，划畀虹口区管理。2020年9月份，為咾配合虹口区北部公共卫生中心建设，醫院弗得弗临时搬到四川北路1878号。2025年4月份，四川北路1878号临时院址门诊、急诊相继停诊，像小蚂蚁搬家一样一隻隻搬回虹口区场中路22号。2025年5月6号，虹口区场中路22号开放门诊、急诊、住院服务。