上海市皮肤病医院
上海市皮肤病医院，是上海申康医院发展中心个三级医院，主要诊疗特色是皮肤病、性病，总部勒垃静安区保德路，勒垃长宁区武夷路有得分院。
医院是同济大学附属医院（同济大学附属皮肤病医院）、上海大学教学医院，同上海市第十人民医院实施一体化管理。
历史
[编辑]上海市遵义医院
[编辑]箇爿医院一隻前身是1934年（民国廿三年）个辰光，中华麻风救济会会同国立上海医学院勒垃颜福庆、胡文虎等人个支持捐助底下筹办出个“上海中华麻风疗养院”，勒垃宝山县庙行乡（乃朝静安区保德路总部）。[1]1937年淞沪會战爆发，同年9月份，麻风病人搬进市区里向个孙中山纪念医院去哉[2]。12月份，麻风患者搬到小沙渡路。1938年6月份，病人又搬去白利南路。1943年，醫院才搬回寶山。[1]
上海解放仔么，上海市卫生局委托中华麻风协会代管箇医院。1954年4月20号，市卫生局接管，改名上海市麻风医院。1956年，为咾方便市区、西郊个麻风病诊治搭仔病人管理，勒垃武夷路200号开仔门诊部。1958年改名上海市麻风防治院，1966年12月份改名上海市遵义医院。箇家医院研究、筛查、治疗麻风，1983年上海麻风病发病率降到0.03%，成为中国顶早消灭脱麻风病个户荡。1989年，医院箇地划畀闸北区。[3]
上海市皮肤病防治所
[编辑]箇爿医院另外隻前身是1945年（民国三十四年）12月份成立个上海市卫生局性病防治所。新中国成立仔么，弗让做鸡，进行性病强制报告制度，要消灭箇眼暗毛病，改名上海市皮肤性病中心防治所。1965年，上海市皮肤性病中心防治所改名上海市皮肤病防治所。[4]1984年，搬去武夷路196号（遵义医院武夷路门诊部东面）[5]。
上海市皮肤病医院
[编辑]1994年10月份，上海市遵义医院拿上海市性病防治所（上海市皮肤病防治所）合并脱，改名上海市皮肤病性病防治中心（上海市皮肤病性病医院）。1998年，改名上海市皮肤病医院。[3][4]
2020年，因为武夷路200号院区维修，临时往东搬到武夷路238号[5]。
参考
[编辑]
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||