沪西工人文化宫

西宫景色

沪西工人文化宫，简称“西宫”，来勒上海市普陀区曹杨路，是20世纪50年代修畀工人大众娱乐个场所。主体是幢3层楼个大楼，有南、北草坪、花坛、上海工人三次武装起义雕塑像咾啥个，后头还有足球场、篮球场、游泳池咾啥个各式各样个室外设施，南面是艺术培训教学楼搭仔招待所，北面有1万多平方米个人工湖。湖里向有大岛、小岛。西北面是餐厅、茶室、横滨·上海友好馆。“文化大革命”期间，文化宫改名普陀区文化宫，再改名普陀区工人文化宫。1975年，沪西工人影剧院造好。1979年，正式改叫沪西工人文化宫。1994年，西宫拿原3层主楼改造成4层楼个，重新布局。2001年拿湖边个通道改造成步行街。2012年变成商业街。