上海少年儿童图书馆
（从上海市少年儿童图书馆转戳到箇里）
上海少年儿童图书馆，前身是1941年7月份成立个私立上海儿童图书馆，国家一级图书馆。伊勒垃上海市静安区南京西路962号，馆额是宋庆龄1980年题个。1999年，图书馆建筑入选第三批上海市优秀历史建筑[1]。
历史
[编辑]市少儿馆个前身是私立上海儿童图书馆，民国30年（1941年）7月份成立[2]。图书馆一开始勒垃静安寺路大华书场，是应永玉发起个，得到中华慈幼会上海办事处等多隻社会团体个支持。两年以后，搬进新地方威海卫路910弄20号。新中国成立个辰光，图书馆一度关脱，1950年5月5号重新开放。1952年10月11号，图书馆改名上海市儿童图书馆。虽然图书馆勒垃1953年2月份再搬出去，1958年4月份还是搬回南京西路962号。1960年11月份，伊并进上海图书馆，成为上海图书馆个少儿分馆，对外还是叫上海市少年儿童图书馆。“文化大革命”个辰光停止开放[2]，1970年7月份恢复开放。1987年1月份，上海少年儿童图书馆恢复独立建制[2]。1990年，勒垃图书馆东北面造仔座低幼活动中心。2022年7月19号，图书馆勒垃普陀區长风公园附近新开分馆上海少年儿童图书馆（长风馆）。[3]
现况
[编辑]图书馆面积4200平方米，馆内实行借阅一体开架服务，有文学室、期刊室、多功能演讲厅、数字图书馆、儿童知识乐园、计算机教育中心。图书馆藏书60多万册，是上海地区少儿图书资源个中心[4]。
参考文献
[编辑]- ↑ 龚德庆，张仁良主编（2011-01）．静安历史文化图录 ．上海：同济大学出版社，276-278．ISBN 978-7-5608-4364-3．
- ↑ 2.0 2.1 2.2 专业志 >> 上海图书馆事业志 >> 第二篇公共图书馆 >> 第一章市公共图书馆级 >> 第五节 上海少年儿童图书馆 档案，存勒互联网档案馆当中。（2016年6月27号） 上海市地方志办公室
- ↑ "上海少年儿童图书馆新馆开馆，“旧+新”成为国内体量最大的省级少儿图书馆".
- ↑ 上海少儿图书馆. 上海市中小学德育网. 原始文档勒2012-06-23存档. 访问日脚2012-09-03.