上海市奉贤区古华医院

上海市奉贤区古华医院，帮上海市奉贤区老年医院一隻机构、两块牌子，勒垃奉贤区南桥镇南奉公路9220号，是上海市奉贤区一家二级专科医院，主要治传染病，外加老年护理业务。

历史沿革

箇医院前身是奉贤县麻风病病人安置个地方，1966年建立个，设勒胡桥乡漴缺边浪个“康乐村”里向。1968年，奉贤县麻风防治所勒垃箇地方成立。1972年12月份，县里向肝炎隔离病房也迁过来，改叫奉贤县海滨医院。1978年，另外成立奉贤县结核病防治所；1982年，改名奉贤县结核病防治院，设勒南奉公路2号。1984年6月，海滨医院肝炎病房搬去南桥镇，帮奉贤县结核病防治院合并，改名奉贤县传染病医院。1986年，柘林个原麻风病区撤销，改名奉贤县麻风病院，必过还是勒垃奉贤县结核病防治院（奉贤县传染病医院）底下。

1996年5月份，奉贤县改区，医院改名奉贤区古华医院。2000年11月份，上海市卫生局批准成立上海市奉贤区老年医院，设勒古华医院里向。现在医院里向有肝科、内科、中医科、肺结核病科、职业健康体检科、预防保健科（卡介苗接种门诊）、老年科等科室。