上海市黄浦区回民小学
（从上海市南市区回民小学转戳到箇里）
𪥸拿箇篇文章搭伊光第一小学弄错。
| 上海市黄浦区回民小学 | |
|---|---|
| 成立 | 1931年 |
| 網站 | https://hm.hpe.cn/ |
上海市黄浦区回民小学，是難朝上海三隻民族小学裏向个一隻，是一個公办小学，勒垃黄浦区聚奎街50号。[1][2]
历史
[编辑]民国20年（1931年）中国回教协会开办仔敦化小学，头一個校长是沙善餘。抗日战争爆发以后，学堂搬到仔法租界南阳桥（後首來个方浜西路永乐里），改名敦和小学。民国29年拿原来个校舍收回来咾恢复上课，叫正明小学。抗战胜利以后，敦和小学搭正明小学合并，恢复敦化个名头。1949年7月，军管会接管仔学堂。[3]
抗战个辰光，回民谢克看到有交关回民小人读弗起书，就搭金幼云商量，建议用小桃园街前上海回教孤儿教养所个空房咾课桌椅设备，开办崇本小学。[4]
1956年，崇本小学改名蓬莱回民小学，后首来又改成功南市区回民第二小学。敦化小学改成功邑庙区回民小学，后首来又改成功南市区回民第一小学。[5]
1994年4月7號，回民一小搭回民二小合併成南市区回民小学。[6]2004年9月份，搭文庙路小学合併成黄浦区回民小学。[6]
参考
[编辑]- ↑ 区教育局 (2024-04-07). 2024年黄浦区公办小学办学基本情况公示表（含对口范围）. 上海市黄浦区人民政府. 原始文档勒2025-06-11存档.
- ↑ 学校概况. 黄浦区基础教育机构信息公开 (2020-10-21). 原始文档勒2025-06-12存档. 访问日脚2025-06-12.
- ↑ （1997年03月）上海市南市区志编纂委员会 编：南市区志 ．上海：上海社会科学院出版社，808．ISBN 7-80618-282-9．
- ↑ 俞德辉．“南市的回民教育”，政协上海市南市区委员会文史委员会，上海市南市区志编纂委员会 编：南市文史资料选辑 第3辑 纪念上海建城七百周年 ，175-177．
- ↑ （2000年04月）吴仕民 编：中国民族教育 ．北京：长城出版社，217．ISBN 7-80017-499-9．
- ↑ 6.0 6.1 上海市黄浦区回民小学2022年度决算. 上海市黄浦区人民政府 (2023-09-04). 访问日脚2025-06-12.