上海市公共卫生临床中心

上海市公共卫生临床中心（英语：Shanghai Public Health Clinical Center），又名复旦大学附属公共卫生临床中心、复旦大学附属中山医院南院，勒垃上海市金山区漕廊公路2901号，是上海申康医院发展中心下头个国营三级甲等专科医院，充当医疗、教学、科研、预防个角色。伊1914年造个，2004年本部从虹口区搬到金山区。乃朝核定床位660张，虹口区有得分部。

历史

医院历史好追溯到1914年上海公共租界工部局设立个华人隔离医院，1945年改名上海市立第一传染病医院，1955年再改名上海市传染病医院。2004年，保留原有个市区门诊部个情况下头，为咾加强应对突发公共卫生事件个能力，上海市传染病医院主院区搬去金山区哉，改名上海市公共卫生临床中心。

内设机构

医院里向有得73隻内设机构，比方讲呼吸内科、感染科、儿科、中医科、结核科、综合内科、口腔科、眼科、超级细菌治疗科、新冠科咾啥个用来治疗个科室，还有办公个后勤保障部（总务）、后勤保障部（保卫）、物资管理部、人力资源部、绩效管理办公室咾啥个，外加科研个科学研究部、病原体检测和生物安全部、实验动物部、转化医学部箇种科室。