上海展览中心
（从上海展览馆转戳到箇里）
上海展览中心（英语：Shanghai Exhibition Center），貤叫上海展览馆，来勒上海市中心静安区延安西路1000号，北靠南京西路，南面延安路高架，东起威海路林村，西到铜仁路。上海展览中心有2.2万平方米个展览面积，大小40多隻多功能会议室搭仔会议厅。南部是以序馆、中央大厅、东一馆、西一馆搭西二馆组成个展览区，北部是以友谊会堂搭东二馆组成个会议区[1]。
上海展览中心1955年造好个，本名中苏友好大厦，是上海个一隻代表性建筑，也是1950年代上海市建造个头一隻大型建筑搭仔上海第一隻展览馆[2]。伊个中心部分模仿个是莫斯科全联盟农业展览馆主楼搭仔圣彼得堡海军部大厦中央塔楼，跟北京展览馆一样是俄罗斯古典主义建筑风格。
上海展览中心所在地本来是英籍犹太人哈同个私人花园爱俪园，俗称哈同花园，哈同搭仔其夫人罗迦陵相继走脱以後，太平洋战争爆发，日军侵占箇埭，花园逐渐荒废脱。1954年，上海市政府来勒废墟丄造中苏友好大厦，造好以後因为中苏交恶曾改过多埭名字，1984年正式定名叫上海展览中心，承办交关重要个展览会，也是一些政府工作会议个举办场所。来勒2011年上海两会搬去世博中心之前，上海展览中心还是上海市人大搭上海市政协个开会地方。2004年开始，上海展览中心是上海书展个主会场。[3]
参考
[编辑]- ↑ 上海展览中心公司概况. 访问日脚2013-12-28.
- ↑ 特色志 >> 上海名建筑志 >> 欧美风情的沪滨广厦 >> 古典俄罗斯风格的中苏友好大厦（上海展览中心） 档案，存勒互联网档案馆当中。（2013年9月11号） 上海市地方志办公室.
- ↑ 上海书展十多年来的“主会场”，它的往事你了解吗？ -上海市文旅推广网-上海市文化和旅游局 提供专业文化和旅游及会展信息资讯 (zh) (2022-11-19).
