上海富盛经济开发区

上海富盛经济开发区，老底子叫上海富盛私菅经济开发区，勒垃上海市崇明区新河镇西部，东面是新河镇、西面是城桥新城、南面长江、北面到团城公路，总规划面积5.91平方公里，是市级开发区，主导产业是船舶制造配套制造、现代通信技术工程、生物科技工程、金融服务、文化体育、健康医疗咾啥个。

历史

1994年6月8号，经崇明县人民政府同意，上海市农委批准建立集内外资一体个多种经济並存个县级开发区上海富盛私菅经济开发区，是崇明县第一家县级开发区，伊個辰光是新河镇镇政府管辖个。伊辰光，上海富盛私菅经济开发区东到新河镇个新申公路、西贴东平河接城桥镇、南面是长江、北接陈海公路，规划总用地11.79平方公里。1996年3月份（也有讲是1998年10月14号个）改成现在迭隻名字。1999年，上海富盛经济开发区畀上海市农委、上海市工商局评为“上海市管理规范小区”。

2001年12月29号，上海市崇明县机构编制委员会发文进一步规范崇明县县级园区个机构设置，上海富盛经济开发区管理委员会转到崇明县政府直接领导，下头有上海富盛经济开发区管理委员会办公室，建立上海富盛经济开发区开发有限公司。2003年4月份，经上海市科委搭崇明县政府个批准同意，上海富盛经济开发区成为上海市光电子产业园区。2006年，经国家发展改革委审核认定，上海富盛工业园区升级成市级经济开发区，主要发展光电子、港口机械、船舶制造配套产业。2010年，工业区范围进行调整，北面边界从陈海公路向南改到团城公路，开发区规划面积也调整到5.91平方公里。