上海环城绿带

上海环城绿带，貤叫上海市环城绿带，是中國上海市上海外環線两边个城市绿地，总长98公里，宽500米（林带100米，绿带400米），总面积72.41平方公里。伊北起浦东三岔港，向南经高桥镇到周浦镇，經三林鎮过黄浦江到莘庄，再一路向北经虹桥机场到顾村，再向东到吴淞。闵行体育公园、闵行文化公园、顾村公园、上海滨江森林公园、高东公园、月亭公园、沿北公园咾啥个侪是上海环城绿带个一部分。

历史

1993年6月份，上海市市长黄菊提出要勒上海外环线外头修一条宽度至少500米个，环绕整個上海市区个绿化带。1995年，上海环城绿带勒普陀区桃浦乡開工。

环城绿带个建设分成三個阶段：第一阶段是1995年到2000年，修个是虹桥国际机场到浦东国际机场段个环城绿带；第二阶段是2001年到2005年，环城绿带其他地区侪开始动工哉；第三阶段是2006年到2010年以前，整条环城绿带造好哉。