上海国家会计学院
（从上海国家会计学院（亚太财经与发展学院）转戳到箇里）
上海国家会计学院（英语：Shanghai National Accounting Institute），是中华人民共和国财政部直属个公办学堂，财政部帮上海市政府双重领导个，2000年9月份正式成立个[1]，校训是“不做假账”[2]。箇隻学院也是中国政府发起个亚太财经与发展学院所在地，同学院用同一批领导。
性质
[编辑]上海国家会计学院是财政部直属个事业单位，实行党委领导个院长负责制，承担培养高端财经人才个责任，呒没本科教育，专注硕士、博士研究生教育搭仔高端在职培训。[3]
历史
[编辑]1994年3月份，中国财税改革全面铺开，加强注册会计师搭仔企业高级财务管理人员个培养成为重中之重。时任国务院常务副总理朱镕基指导决定勒垃全国范围里向造三隻现代化财会专业知识成人教育基地，慢慢交发展成三所国家会计学院，分别勒垃北京、上海、厦门。1999年4月16号，学院青浦校区动工[4]。2000年9月份，学院造好哉。2001年5月16号，学院青浦校区正式揭牌[2]。
2024年，学院获批成为博士学位授予单位，获授头批审计博士专业学位授权点[5]。
也好看看
[编辑]参考资料
[编辑]- ↑ 上海国家会计学院学院简介. 上海国家会计学院 (2025-09-26). 访问日脚2025-11-02.
- ↑ 2.0 2.1 朱总理为国家会计学院题写校训：不做假帐. 新浪财经 (2001-05-17). 访问日脚2025-11-02.
- ↑ 上海国家会计学院研究生招生管理系统. 院系简介及联系方式. 访问日脚2025-11-02.
- ↑ 项怀诚：国家会计学院诞生记. 上海国家会计学院官方微信公众平台 (2020-10-20). 访问日脚2025-11-02.
- ↑ 上海国家会计学院审计专业博士学位8位导师齐亮相. 新浪财经 (2025-03-21). 访问日脚2025-11-03.