上海公交定制407线

上海公交定制407线，也叫DZ407夜生活专线，是上海公交一条定制线路，走向是从BFC外滩金融中心出发，经过新天地、兴业太古汇、久光百货到上生新所，运营期是2025年6月13号到同年7月6号。箇条线是头一条夜上海联动扩消费专线、头一条夜上海公交专线，运营方是久事公交巴士四公司。

背景

针对市民通勤、上学、就医、出游等需求，加上上海市公交骨干网络覆盖范围有限，上海各家公交公司从2024年开始提供定制公交服务。2025年5月8号，上海市定制公交运营服务平台上线，箇平台整合有各家公交公司个定制公交线路。到2025年6月24号，已经有得250条定制公交线路，覆盖通勤、就医、文旅、通学咾啥个方面，勒垃全上海16隻区侪有得线路跑个。作为常规公交个补充，定制公交线路勒垃开通前会得进行前期调研。上海公交定制407线开通个因头是上海夜生活节。

运营线路

运营

定制407线2025年6月13号开通，运营到同年7月6号。线路长度15.2千米，配车两部，每個礼拜五、六、天三日天跑个14：00到22：00跑个，发车间隔毛两個钟头。勒垃箇条线经停个BFC外滩金融中心、新天地、兴业太古汇、久光百货、上生新所里向任何一個地方消费满66块及以上就好拿凭证去乘箇条线。售票员上车仔么会得核销乘车凭证，再發纪念票根。首发车丄有音乐表演，还规划有得魔术表演。

线路

定制407线从BFC外滩金融中心站出发么，走人民路、河南南路、复兴东路、马当路、淮海中路到石门一路有得兴业太古汇站，再开到南京西路有得久光百货站，再经过南京西路、华山路、延安西路、番禺路到上生新所站。反方向从上生新所站出发，走番禺路、延安西路、华山路到南京西路停久光百货站，再沿牢南京西路到延安中路经石门一路停兴业太古汇站，再走黄陂南路、淮海中路、马当路、自忠路、复兴东路、河南南路绕到人民路搭仔BFC外滩金融中心站。

作用

定制407线用个是“交通 + 消费”模式，想咾方便市民游客夜里向个出行，畀沿线商圈带去人气活力，助力上海夜经济发展。沿线商圈举办多隻购物活动配合定制407线个开行。