上海公交定制401线

上海公交定制401线，也叫上博观展巴士，是上海公交一条定制线路，两隻终点站是上海博物馆（人民广场）搭仔上海博物馆（东馆）。上博观展巴士是2024年6月份开通个，2025年3月份改名定制401线，2025年8月份停运，是久事公交巴士四公司一车队运营个。

背景

针对市民通勤、上学、就医、出游等需求，加上上海市公交骨干网络覆盖范围有限，上海各家公交公司从2024年开始提供定制公交服务。2025年5月8号，上海市定制公交运营服务平台上线，箇平台整合有各家公交公司个定制公交线路。到2025年6月24号，已经有得250条定制公交线路，覆盖通勤、就医、文旅、通学咾啥个方面，勒垃全上海16隻区侪有得线路跑个。作为常规公交个补充，定制公交线路勒垃开通前会得进行前期调研。从上海博物馆（人民广场）到上海博物馆（东馆），乘上海轨道交通两号线全程毛估估40分钟，还要走1.9公里，故咾开仔箇条公交线方便游客往来两隻场馆。

运营线路

运营

上博观展巴士是2024年6月份开通个，2025年三月中旬改名定制401线个，是久事公交巴士四公司一车队负责运营个，每個礼拜三到礼拜天，外加法定节假日个11：00到15：00横里是伊个运营辰光，间隔是60分钟一部，首末站分别是上海博物馆（人民广场）搭仔上海博物馆（东馆），直达个，用双层公交跑个，全程要跑40分钟，票价4元，支持线上线下两买票方式。另外有得专门去十六铺个班次，每隻终点站每日天发出1部箇能介个班次。

线路

定制401线从上海博物馆（人民广场）发出，沿咾延安东路转到西藏南路，再转到陆家浜路上南浦大桥，下仔桥么走杨高南路、世纪大道到上海博物馆（东馆）。

作用

定制401线个运营方式让市民游客享受到便捷个点对点直达服务。定制401线也有观光性质，游客勒垃车丄好看到上海大剧院、上海市工人文化宫、大世界、南浦大桥咾啥个景点。定制401线用双层公交跑，游客视野更加开阔，增添观光乐趣，还展现出上海勒垃文旅方面个创新实践。