上海儿童博物馆

上海儿童博物馆勒垃上海市长宁区宋园路61号宋庆龄陵园里向，是一家儿童博物馆。

场馆介绍

上海儿童博物馆1996年5月29号成立，占地面积9000平方米，建筑面积4500平方米，地上三层，地下一层，建筑是长方体、球体、三角体组成个。博物馆主要有两隻展区，分别是主题科学展示区帮互动探索区。主题科学展示区主要对一眼儿童感兴趣个专题进行介绍，比方讲航海、航天、天文、月球、信息技术、环保咾啥个。互动探索区里向有树屋，小囡好穿丄各行业个制服，扮演警察、医生咾啥个角色，另外还有座小型剧场，小游客好上台表演。博物馆还有得主题展览区搭仔儿童阅读区，提供网络搭书籍。

2017年2月23号，经过一年多个闭馆修缮调整，上海儿童博物馆重新开馆。

外部链接

• 上海儿童博物馆档案，存勒互联网档案馆当中。（2019年9月11号）
• 上海科普教育基地联合会档案，存勒互联网档案馆当中。（2020年11月3号）