上海仙霞网球中心

上海仙霞网球中心，也叫上海市仙霞网球中心、仙霞网球中心，是中華人民共和國上海市長寧區虹橋路个座网球场，是上海市体育运动委员会为咾中华人民共和国第八届全国运动会造个网球场，1997年8月份造好个。上海仙霞網球中心佔地38455平方米（也有讲19950平方米个），總建築面積20651平方米。上海仙霞網球中心有四片室外网球场，一隻好塞4000名观众个室内中央球场，面積42米*12米。2019年，上海市体育局成立上海市体育场馆设施管理中心，寻企业来运营箇体育场。2020年，上海久事体育产业发展 (集团) 有限公司中標成为仙霞网球中心从2020年开始後头5年个运营方。