2010年上海世界博覽會

出自维基百科,自由个百科全书
(从上海世博会转戳到箇里)

2010年上海世界博覽會(下簡稱上海世博會),是第41屆世界博覽會,於2010年5月1號至10月31號勒上海舉行。本屆世博會是首趟由發展中國家主辦綜合性世博會。本屆世博會个主題是“城市,讓生活更美好(Better City, Better Life)”。本屆世博會亨八冷打有得256個國家交地區及國際組織參展,吸引世界各地7308萬人次參觀者前往。目前最新資料顯示,中華人民共和國政府勒上海世博會个總投資額達到450億美元,是世界博覽會史上最大規模,外加也遠超2008年勒北京舉辦个第29屆奧運會[1]

相關問題交批評[编辑]

沙特館排隊處地面个垃圾。
  • 場面混亂:有部分中國遊客因爲拿弗到中國館預約券而鼓譟,搶奪預約券,有部分遊客甚至衝進中國館交攻擊派票子个公安民警,場面極爲混亂[2]
  • 眾多前往世博會現場个遊客反映,世博會園區內出售个食品價格忒貴[3]。一碗麪條需要38塊人民幣,而一份客飯好賣60塊人民幣。[4]
  • 推廣歌曲涉抄襲:《2010等儂來》(Right Here Waiting for You 2010)是勒2010年3月30號畀定爲2010年上海世博會倒計時30天个推廣歌曲,該歌曲由岡本真夜作曲、繆森抄襲、張鵬作詞。个原版是來自於1996年日本東京个TBS電視所播放个電視劇《回來个第二趟機會》中个插曲《そのままの君でいて》,翻譯爲中文是《弗變个儂就好》,新加坡个音樂人顏毓添認爲《2010等儂來》迭首歌每段个首個音符搭壓末个音符交《弗變个儂就好》幾乎完全一樣。而從音樂个角度來攷慮,渠个相似度超出仔8小節,已經構成了抄襲。事後上海世博會爲平息迭趟事件,以版權費个名義支付了三億日幣个賠款畀原作。[5][6][7][8][9]
  • 據臺灣媒體報導,上海世博會个人性化程度弗足,譬如園內交通車數量弗夠,一般民眾弗能搭乘環保電瓶車導致其利用率低,交通管制範圍大,安全檢查標準推板邪搭,入口多而出口少咾啥。[10]
  • 德國館首席專員也向上海世博局提出嚴厲抗議,指中國遊客因排隊弗耐煩,多次強闖展館並出言侮辱德國人是「納粹」,甚至推撞工作人員,情況「令人弗可容忍」。伊話,假使員工等安全問題未能得到保障,德國館將「無限期關閉」。
  • 2010年5月30號,韓國國家館邀到多位熱門韓國名星,準備勒30日夜裏舉行韓國音樂節。當局早前派發免費門票个辰光,引來成千上萬“韓流”追星族索取門票,但因韓方派發部份門票後突然停發,引發騷亂,一名少女從二樓遭人潮推逼而落下來,之後引發人踩人騷亂,並造成另有一百多人受傷。現場目擊者稱,當局調遣上千名武警封館處理,但上海世博官方網站31日早浪發佈个消息,卻間接否認脫網个傳聞,衹話發放過程中有個別遊客中暑或擦傷,畀及時送往園區醫療點或附近世博定點醫院妥善醫治。引起搶票个韓國藝人包括Super Junior、安七炫、BoA等。消息指,連夜排隊个包括來自江蘇浙江廣東等地个大群年輕人。[11]

參考文獻[编辑]

维基共享资源里向寻得着搭该篇文章搭界个多媒体资源: