万源路（上海市）

万源路，是中国上海市闵行区一条南北方向个路，名字从四川万源来个，1988年定下来箇隻名字个。箇条路南段连咾漕宝路、沪闵路，主要勒垃梅陇镇、古美路街道里向，是城市次干路；北段两头是虹中路、宜山路，侪勒垃虹桥镇里向，老底子叫新桥路，是虹桥镇新桥村（本来叫星光村）里向条南北方向个村道。

万源路个沪闵路到古美西路段老底子是单向两车道，南望北单向通行；後首来改成双向四车道。平南路到顾戴路段因为边浪是复旦大学附属儿科医院，堵撑，故咾2013年改成除开公交车侪北望南单向通行。2017年，路从古美西路望南延伸到沪闵路。