丁士源
| 丁士源 | |
|---|---|
 | |
| 个人资料 | |
| 出生 | 1879年 |
| 逝世 | 1945年8月7日 |
丁士源（1879年—1945年8月7日），字问槎（一作文槎），号蔼翁，笔名萝蕙草堂主人，浙江吳興烏鎮（介歇屬於嘉興桐鄉市）人，清朝、民国、满洲国军事搭政治人物。
生平
[编辑]清朝辰光
[编辑]丁士源是浙江省归安县（民国辰光搭乌程县合并成吴兴县）乌镇（介歇属于嘉兴桐乡市）西栅人。[1]渠先後勒上海圣约翰书院搭北洋水师学堂讀書。1900年八国联军攻占北京之後，渠勒北京做卫生防疫咾啥个生活。[2]1902年，肃亲王善耆帮助渠到英国林肯律师学院学法律。[1][2]
1904年回国之后，渠当仔北京崇文门关税总稽查、清新军练兵处法律监督。1907年，选送军校生到法国留学，参加荷兰海牙国际会议，代表清政府签订仔有关条约。后首来授陆军部军法司司长、高等巡警学堂总办咾啥个职务。1911年武昌起义爆发个辰光，丁士源是陆军大臣副官长兼总执法官。[1]1942年，满铁大连图书馆出版丁士源写个辛亥革命随军笔记《梅楞章京笔记》，是研究辛亥革命重要个资料。[1][3]
民国辰光
[编辑]1912年民国成立之后，渠当仔北洋政府段祺瑞陆军大臣行营处副官长兼任第一军法处处长。1913年，当仔陆军部参议，11月29号授陆军少将衔。1914年，当仔江汉关总署督察兼外交部湖北省外交事务特派员，启用外甥王会先当公署一等科员。1916年，授陆军少将加中将衔，国防委员会委员，12月5号授予三等文虎章。1917年六月份，当仔京绥铁路局总长。1918年，当仔京汉铁路局总长，参战委员会参议，8月30号授予二等大绶宝光嘉禾章。1919年3月份，当仔交通部筹办航空事宜处处长兼航空总署主管，总统府侍从武官，10月10号授陆军中将军衔。年底，京汉搭京绥铁路合并，当仔总长。1920年，因为自说自话从京绥铁路局提取1000万银圆樁事體败露哉咾，畀直系免职脱。[1]
1922年11月份復出，畀奉系北京政府任用，当仔财政整理委员会副委员长、国内公债局总理，搭安国军总司令张作霖手底下个空军司令。1923年，勒垃天津一爿日本人背景个日报报馆当编辑。1924年勒天津当日本人主办个《日日新闻》个主笔。1929年当仔中华汇业银行经理。[1]
满洲国
[编辑]1933年之后，丁士源当过满洲国驻日本公使、满洲国驻国联代表、满洲中央银行监事。1945年8月7号，也就是苏联对日本宣战个前一日天，丁士源生毛病过辈，终年68岁。[1]
著作
[编辑]- 《梅楞章京笔记》（1942年出版）
- 《世界海军现状》
- 《蒙新青藏经济上之开发最初步计划》