一个马来西亚发展有限公司

一个马来西亚发展有限公司（马来语：1Malaysia Development Berhad），简称1MDB、一马公司，是马来西亚财政部全资个爿战略性开发公司，前身是登嘉楼投资局。伊个主要任务是建立全球合作伙伴关系、吸引外商投资，来推动国家个战略项目。一马公司手浪向有几个大名鼎鼎个项目，比方讲敦拉萨国际贸易中心、伊个姊妹项目“马来西亚城”（Bandar Malaysia），还有三座独立发电厂。

一马公司2013年开始畀人爆出来欠仔421亿令吉个债，箇桩事体引发仔巨大个贪污丑闻搭争议。美国《华尔街日报》甚至讲，有大7.6亿美元（差不多26亿令吉）从箇家公司流进仔当时个总理纳吉·阿都拉萨个私人账户，现在叫“一马公司丑闻”。事情爆出来之後，马来西亚令吉大跌。後首底官方出来澄清，讲箇26亿令吉其实只是政治捐款，捐钞票个人是中东来个，据讲是沙特阿拉伯王室个成员，必过美国司法部调查下来发现並弗是。