一覽亭（蕭山）
| 一覽亭遺址 | |||||
|---|---|---|---|---|---|
 | |||||
| 杭州市文物保护单位 | |||||
| 所在 | 蕭山區蜀山街道金西村 | ||||
| 分类 | 近現代重要史跡及代表性建築 | ||||
| 时代 | 現代 | ||||
| 登录 | 2009年4月20號 | ||||
| |||||
一覽亭是吳越浙江省杭州市蕭山區蜀山街道金西村石巖山山頂丄个亭子，頂早是明朝嘉靖十年（1531年）造个，中華民國手裏好幾回毀壞貤建過，着末來來夯中國抗日戰爭个辰光毀壞，箇卯有遺址則1995年來夯遺址北面重番造過个亭子。1997年1月23號，「一覽亭及遺址」入選蕭山市文物保護單位；因爲蕭山市改成蕭山區，「一覽亭遺址」來夯2009年4月20號調整成第四批杭州市文物保護單位。
歷史
[编辑]根據民國24年（1935年）成書个《蕭山縣志稿》，一覽亭頂早是明朝紹興府知府（別稱郡守）洪珠來夯嘉靖十年（1531年）造个，[1]渠還題寫匾額。[2][3]亭名意思是「湖光山色一覽無餘」，來夯一覽亭看得見湘湖、三江（錢塘江、富春江、浦陽江），則蕭山境內个山。[2]箇丄个「覽亭遠眺」屬「湘湖八景」，[1]「石巖望秋」屬「蕭山八景」。一覽亭成爲後來文人聚會咾創作詩文个地方，還有黃秀才建亭、呂洞賓採藥、施藥个神異、徐文長落第咾介个傳說。[2]一覽亭來夯民國28年（1917年）毀壞，僧戒穗募建，民國33年（1922年）畀風吹倒，民國36年（1925年）來賈氏重建。中國抗日戰爭个辰光，日本軍占領蕭山縣，則一覽亭拆壞咾造碉堡。1995年，浙江亞太機電集團出資來夯一覽亭遺址北面重建一覽亭。[1]
1997年1月23號，「一覽亭及遺址」入選蕭山市文物保護單位；因爲蕭山市改成蕭山區咾，「一覽亭遺址」來夯2009年4月20號調整成爲第四批杭州市文物保護單位。[4]
建築
[编辑]一覽亭來夯吳越浙江省杭州市蕭山區蜀山街道金西村石巖山个山頂丄，是六角石造涼亭，柱腳丄用陰文刻夯清朝王宗炎个對聯：「立定腳跟，不怕石頭路滑；放開眼界，且看江上峯青」[5]。一覽亭原址來夯中國抗日戰爭之後只勒五根柱腳則基底，重建个一覽亭來夯一覽亭遺址个北面。[1]
