川普币

川普币，也翻译叫特朗普币（原文：$TRUMP），指个是主题是美国总统唐纳德·特朗普个迷因币，托管勒Solana区块链平台丄^[1] 。头一批创建仔10亿枚币，箇当中8亿枚勒垃特朗普手里向两家公司伊头，2亿枚勒垃2025年1月17号个首次代币发行中公开发行。弗超过一天，所有代币个总市值超过270亿美元，让特朗普个资产价值超过200亿美元。^[2]2025年1月21号，特朗普勒垃伊总统就职典礼丄並呒没对加密货币发表任何具体政策声明，导致川普币个市场价格跌仔26%，特朗普老婆为主题个梅拉尼娅币也跌仔近一半^[3]。到2月3号，川普币已经累积跌仔75%^[4]。大家生怕箇是桩哄炒币价个噱头骗局^[5]^[6]，分析师则认为箇是场“灾难”^[7]。