乔石

乔石（1924年12月－2015年6月14号），男，浙江定海人，来上海出生。本名蒋志彤。1940年8月加入中国共产党，后来来拉上海南方大学附属中学领导中共地下活动。后来当党支部书记。1946年搭翁郁文结婚，翁个阿爹曾经是国民党元老陈布雷个机要秘书。中国共产党里向个国际问题专家，曾经管政党外交个中共中央对外联络部部长，后任中共中央办公厅主任、中共中央组织部部长，1985年俞强声事件后，接替拨撤职个陈丕显任中共中央政治局委员、书记处书记、中央政法委员会书记，负责中国全国政治搭治安、情报、司法工作。1986年，兼任国务院副总理。1987年，中共十三大后任中共中央政治局常委、中共中央书记处书记、中央纪律检查委员会书记并保留中央政法委员会书记职务，变成中国共产党党内第三号领导人。1993年转任全国人大常委会委员长。1998年因为年龄原因退休。有两个儿子两个嬬儿。