Wikipedia:Picture of the day/2006年12月

出自维基百科,自由个百科全书

12月25号是西方国家传统节日圣诞节

一般人家侪要植棵圣诞树勒屋里向,树浪挂一星小物事(彩色球等)来装饰。澳大利亚勒垃南半球,北半球个冬天末,箇𡍲正好是热天。所以末,大家侪呒不过圣诞个感觉⸺一般人眼里圣诞节应该是白雪皑皑,圣诞老人著好老厚个衣裳驾好仔雪橇来送礼物。

大家为仔弗忘记脱圣诞节箇个传统宗教节日,就想尽一切办法:圣诞节前老早就办大型个圣诞游行;圣诞商业大削价等等。勒拉市中心树立箇个恁大个圣诞树,肯定为得提醒市民马上过节哉。

右面图浪个圣诞树勒拉澳大利亚南澳大利亚州首府阿德来得市中心维克多利亚广场浪。箇棵树大约莫匝廿几米,路人跑过去,看浪去小来一眼眼。旁边建筑物希尔顿大楼勒到照片拍个角度浪看也变小哉。