黄现璠

来自 吴语维基百科
蹦到: 导航搜寻

黃現璠(蘇州閑話:[huaun44][yie231][fe44]),壯族人,嗯乃是中國現代知名個民族學家歷史學家。撥後人認為亦是“壯族歷史之父”搭仔 “八桂學派個創始人”。勒1957年反右運動裏向,撥中共打成仔壯族頂頂大個右派。勿殼張俚一腳到1979年個辰光,始撥中共平反[1]

學歷[编辑]

1899年11月13號生勒廣西扶綏縣個蠻貧寒個屋裏。俚勒小個辰光,家母末死哉,撥阿爹撫養長大。早年勒扶綏縣完成中學個教育。1922年入廣西省立第三師範學校學習。畢業後,考入北京師範大學預科。1932年畢業個辰光得到歷史學個學士學位。然後,弗拿考試破格入讀北京師範大學研究院,1935年研究生畢業。一塌括子勒北京師範大學讀仔九年書。同年,嗯乃到日本,勒浪東京帝國大學個大學院學習東洋史。

經歷[编辑]

1937年11月嗯乃從日本歸國後,歷任廣西大學、中山大學、國立桂林師範學院、廣西師範學院(現廣西師範大學)等校個史學教授。嗯乃是中國壯族頂早個大學教授。1982年1月18號逝世勒廣西桂林,活83歲。俚個骨灰盒撥廣西壯族自治區人民政府放入南寧革命陵園個第一室。[2]

曾經擔當個職務搭仔參與個社會組織[编辑]

俚勒1943年後,曾任歇“黔桂邊區考察團”搭“黔南邊民考察團”個團長;中央民族訪問團中南訪問團廣西分團個副團長;廣西少數民族社會歷史調查組個”副組長兼壯族組組長;第一屆中國人民對外文化協會個理事,全國人大個代表、全國人大民族委員會個委員、中央對外文化聯絡委員會個委員。中國民族學學會個顧問、中國西南民族研究學會個顧問搭百越民族史研究會個副會長;《中國大百科全書·民族》編輯委員會個委員;第五屆全國政協個委員;漓江業余大學個校長。

參考[编辑]

  1. 試論壯族著名史學家黃現璠對20世紀中國“新史學”實踐與建設個貢獻
  2. 《壯族首位大學教授為英雄韋拔群立傳》,《中國新聞出版報》,2008年10月22日

外部鏈進來[编辑]

1.《古書解讀入門——黃現璠學術論文選》裏向,塚田誠之個序

2.中國民族- 桂海學術泰斗黃現璠

3.中國網/中國現代民族學奠基人——黃現璠