郑成功

出自维基百科,自由个百科全书
郑成功

郑成功(闽南语:Tēnn Sîng-Kong,1624年—1662年6月23号),名諱鄭森表字明儼大木幼名福松,是南明政权辰光纵横来勒东亚大洋高头个反清朝将领,因隆武帝賜伊明朝國姓,賜名成功,世稱「國姓爺[1]、「鄭賜姓」、「鄭國姓」、「朱成功」,又因蒙永历帝延平王,稱「鄭延平」。所以,后世尊伊为「延平郡王」、「開台尊王」、「開台聖王」等。

生平[编辑]

郑森个爸爸郑芝龙来勒年轻辰光,曾经是纵横南大洋个海盜,到天启后期,被诏安,成为明帝国福建水师头目。崇祯十七年,明帝国灭脱后,伊成为南明水師將領,郑家出身勒明帝国福建省泉州府南安縣安平港(现分别属于中国福建省泉州市下头个晋江市安海镇南安市石井镇[2],郑森个妈妈田川氏出身勒日本肥前国平戶岛(今日本长崎县平戶市)。鄭成功出生勒母親个故鄉平戶,从小就受到日本文化个熏陶。六岁,被伊拉爸接回福建老家,长到十几岁后,又搭当时典型个官宦子弟一样,被送往金陵求學。后头继承发展父业,曾垄断福建搭东洋个贸易,只要福建商船出海均需向郑氏纳税,假使弗交税必遭受"倭寇"袭击。伊又组织福建移民屯田台湾,因此搭荷兰人个远东利益冲突(见台湾荷兰统治时期)。来勒明朝全国性统治还没崩溃个辰光,还好搭荷兰人殖民个台湾和睦共处,向荷兰福尔摩沙殖民当局交税。但是,当明朝政权崩溃后,郑成功逐渐失去大陆基地,为夺得台湾为落脚点,伊令福建商船弗要搭荷兰人管理个台湾贸易,断荷兰人个殖民利益减损大半,最终成功驱逐荷兰人的福尔摩沙殖民政府,以台湾为基地建立南明政权。[3]

1645年,清軍攻入江南,灭脱弘光政权,没多久,浙江个鲁王监国也失败,之后,郑芝龍投降满洲人、田川氏来勒亂軍中自盡;郑森率領伊爸爸个舊部来勒地、吴越沿海抵抗满洲帝国,成為南明后期顶重要个軍事力量之一,1660年代初,伊个海军一度由海路突襲、包圍满洲个江宁府(原明朝南京),但因为轻敌,还是被清軍擊退,只好依靠海戰優勢蹲勒海島廈門金門。1661年,为开发新个基地,伊率軍橫渡台湾海峡,第二年,击败荷兰东印度公司来勒台湾大员个(今臺灣臺南市境內)駐軍,从此开始鄭氏在臺灣的統治,但没过多久,就生病死脱。伊死脱之後,臺灣民間陸續建立廟宇祭祀,其中以台南延平郡王祠顶顶重要。

参考资料[编辑]

  1. 英文裡稱鄭成功爲Koxinga,即是「國姓爺」个音譯。
  2. 《郑氏石井宗谱序》中讲:“夫我郑自唐光启间入闽,或居于莆〔田〕、于漳〔州〕、于潮〔州〕、于泉〔州〕,是不一其处。”厦门鼓浪屿郑成功纪念馆内的《郑氏附葬祖父墓志》(郑成功长孙郑克塽撰文、次孙郑克举勒石)云:“先世自光州固始县入闽。”
  3. 「福尔摩沙1662」郑麒杰著 台湾 中国生产力中心出版