费利佩五世

出自维基百科,自由个百科全书
Cuadro de Felipe V en el Almudín de Játiva expuesto boca abajo como castigo por ordenar el incendio de la ciudad en 1707.

费利佩五世(西文:Felipe V de España),称号闹猛(el Animoso),(1683年12月19号-1746年7月9号)是18世纪法国波旁王朝个成员,渠是太阳王路易十四个孙子,因得自家有西班牙哈布斯堡王朝个母系血统咾,故所以,畀卡洛斯二世交代,成为爻西班牙王位继承人。1700年,卡洛斯二世驾崩,渠受到卡斯蒂亚王国议会个承认,到马德里去继位。弗过,迭个继承,朆受到奥地利哈布斯堡王朝个承认,蓋咾引发爻西班牙王位继承战争。場战争持续仔交关辰光,到1714年再完结。费利佩成为爻西班牙国王,弗过放弃爻蛮多欧洲个领地。外加,直布罗陀也畀英国人占领。之后,渠在西班牙推行自家家族个法式专制,搞法式法术,擔行情中世纪遗留落来个封建传统废脱哉。1724年,渠擔王位传畀自家个大儿子路易斯一世,想颐养天年。弗过,7个號头以后,路易斯一世生天花死脱,乃渠只好重新恢复自家继位。之后一直统治到1746年。立在渠个统治期間,马德里王宫修造完成。西班牙沦为爻欧洲二流国家,外交策略上向完全倒向法国。1746年7月,费利佩五世過世,传位畀儿子费南笃六世