蒙古简介

来自 吴语维基百科
蹦到: 导航搜寻

蒙古末,亚洲中东部高原地区个泛指。广义浪讲,蒙古包括中国新疆一部分、内蒙古蒙古国,搭俄罗斯联邦部分地区(如唐努乌梁海)。

勒汉朝之前,主要是匈奴人勒搿敦住。后来子,匈奴拨汉朝打败之后,又拨了勒柔然突厥回纥等民族控制。宋朝个辰光,蒙古人迁到搿个地区。实际上,蒙古勒到开始个辰光是拨了金朝统治个,但是后来子,金朝慢慢笃较衰落,勒13世纪初,蒙古人首领成吉思汗统一了搿个地区所有个蒙古部落,建立蒙古帝国。后来忽必烈当蒙古大汗个辰光,统治整个“中央汗国”,范围有刚刚提拉个搿个地区、现在中国领土个大部分、朝鲜半岛等,改叫元朝明朝个辰光蒙古人大多数退回转到塞外,一直勒搿个地方生活,直到清朝灭亡。

清朝个辰光,蒙古拨分成两部分,北部叫外蒙古,南部叫内蒙古1921年,受苏俄支持,外蒙古宣布脱离中国而独立,接下去就成立蒙古人民共和国1944年外蒙古唐努乌梁海地区拨并到苏联,其中大部变成图瓦共和国,现在仍是俄罗斯个一部分。内蒙古勒到1947年成立内蒙古自治区,是中华人民共和国个一部分。有关外蒙古独立个具体过程,请看外蒙古独立

“蒙古”搿个词语,地理浪指蒙古高原,比方勒词组“蒙古黄羊”里相个意思。历史浪通常指大蒙古国或者蒙古帝国四大汗国帖木尔帝国等蒙古人建立个国家,比如讲“蒙古西征”。现实生活中指蒙古国或者蒙古族





中国中华民族蒙古族
蒙古 | 内蒙古 | 外蒙古 | 蒙古国 | 蒙古人种 | 蒙古语
蒙古帝国 | 元朝 | 成吉思汗 | 忽必烈 | 外蒙古独立