華東

出自维基百科,自由个百科全书

華東或者華東地區中國東部地區個簡稱(搭經濟浪東部地區弗完全一樣),中國地理大區之一。是东亚个中原大一统王朝立在长期发展后,到近代重新定义个一个概念。立在中华民国辰光经过推广深入人心。今朝講起來個華東地區就是所谓个「華東六省一市」,包括山東江蘇安徽浙江江西福建上海臺灣勒地理區域浪畀中國官方看成功華東地區(中華民國臺灣地區勒中華人民共和國地圖浪是臺灣省),但必過因為兩岸分治,中華人民共和國政府從來朆實際管轄控制過臺澎金馬(臺灣)。

文化[编辑]

迭个地区立在中原帝国还嘸诞生个辰光,是百越东夷部落个领土,并创造出搭黄河流域文化差别蛮大个文明。弗过,立在中原帝国个一批批扩张殖民下头,乃朝所谓个华东地区,文化逐步开始分化。个当中,本身就属于中原个乃朝皖北鲁西等地,立在春秋战国就开始北方化。东面老早个东夷人生活个胶东半岛,立在两汉辰光,也逐步同化。成为胶东文化个渊源。立在淮河南面长江北面个地区,文化到元末才通过战乱搭大移民开始定型,成为一种南北个过渡文化,也就是江淮文化。立在长江南面个地区,长期拥有一种从良渚河姆渡发源并发展个独特百越文化遗留,后势来,又吸取蛮多北方南窜贵族带来个文化特色,形成吴越文化。弗过,本身属于吴越文化圈个皖南交关地区,立在太平天国叛乱当中,人口毁灭,乃朝已经属于江淮文化哉。立在华东南面个福建,从五代十国开始同北面个吴越分开来,发展出更富有海洋性个闽文化。个当中,以闽南人顶顶有名,并深刻影响到台湾个文化基调。

饮食[编辑]

迭个区域因为是强行划分个,所以,实际浪是嘸啥统一个饮食特点个。北面个山东沿海欢喜吃面食,南面个吴越人闽南人等,欢喜吃海鲜。靠近内亚个皖北,欢喜重口味个胡辣汤

语言[编辑]

迭个地区个语言也是相当分散个,包括中原官话胶辽官话吴语江淮官话闽语侪有大批人群使用。弗过因为推普搭人口迁移个关系,乃朝,普通话是顶顶强势个语言,并立在江浙搭福建逐步大面积替代本地人个原有方言。另一方面,大量中原官话人口并嘸因自家迁入吴越就放弃中原官话,所以,也导致一些场化个实际方言已经发生替代,让本身个吴语成为边缘语言,中原官话成为实际意义浪该地个主要方言。