灵隐寺

出自维基百科,自由个百科全书

灵隐寺是杭州西湖区一座蛮有名气个庙,啦哈杭州西湖个西北面,啦哈飞来峰同道北高峰之间个灵隐山麓中,是杭州城里向历史交关悠久、风景蛮蛮惬意个游览地,中国顶早个佛教寺院和中国十大古刹之一。里向供奉了木牢牢菩萨嘞。

历史[编辑]

灵隐寺啦哈东晋咸和元年(326年)早起来的,离个毛有1670多年个历史的嘞。印度和尚慧理到中国来传教个辰光,因为举个地方风景优美,以为是“仙灵所隐”,就啦哈举个地方造庙,叫做“灵隐”。五代个辰光吴越国王钱俶蛮相信佛教个,对灵隐寺个建设毛关心事。当时灵隐寺有的九楼、十八阁、七十七殿堂、三千个和尚个规模,成为江南地区个佛教名庙。有名气个和尚永明延壽、大慧宗杲等人,都曾经作灵隐寺个住持。傳說中的济公和尚阿啦哈灵隐寺出家。 而淨土宗十三祖印光法師阿曾做过灵隐寺个住持,開灵隐寺為淨土道場之風。

南宋个辰光和尚普济啦哈灵隐寺写《五灯会元》,举本书是禅宗经典之一。

灵隐飞来峰景区[编辑]

灵隐寺山门外头有照壁,高头写啦哈“咫尺西天”四个字儿。进灵隐后头,是葬灵隐开山始祖慧理和尚骨灰个“理公塔”。举座塔高约8米,八角七层,啦哈飞来峰个岩洞个巴儿里。过得春淙亭,沿溪水方向往高头走,佳手边个溪水对过去是刻木牢牢多个佛像个飞来峰,正手边就是灵隐寺个正大门的嘞。

灵隐寺内建筑[编辑]

  • 级别 :浙江全国重点文物保护单位
  • 名字 :灵隐寺石塔和经幢
  • 号数 :7-0989-3-287
  • 类别 : 古建筑
  • 辰光 : 五代、北宋
  • 啦哈 : 浙江省杭州市
  • 录入 : 2013年3月

啦哈灵隐寺出口处近旁建有规模宏大的罗汉殿,内有五百罗汉像,神态、服饰各不相同。