漢字

来自 吴语维基百科
蹦到: 导航搜寻

漢字寔起源于中國个一種文字,流行于統箇東亞。其屬于語素文字个一種,也寔裏向世界高頂介些用得頂廣泛个一種。

Hanzi.svg

發展[编辑]

漢字歷史悠久,古來便有黄帝辰光倉頡造字个傳說。从相對來講系統成熟个甲骨文算起,毛个有四千來年歴史(个先頭還有陶文等雛形)。大致上漢字一路落來經過甲金篆隸楷介一箇過程。細講起來,漢字演變个過程交關複雜。如今公認頂早个漢字要算殷商个甲骨文。考古出土个龜甲、牛肩胛骨等文物嘞个內容以占卜爲主。同期,鑄造得青銅器高頂个,稱爲金文,貤喊得鐘鼎文。在周朝晚期,出現上一種繁化个字體,籀文。个陀貤要引入一箇概念——大篆。廣義高頂,大篆泛指小篆先頭个各種字體,而狹義高頂,大篆特指籀文(小篆由籀文演變而來,而大篆小篆專門對稱)。到秦朝,李斯在籀文搭六國古文个基礎高頂,刱製出小篆。而到漢朝辰光隸書逐漸取代篆書,成爲主流。隸定成爲古今文字个分水嶺,直接催生眞書——楷書。在漢字發展高頂還有草書行書等等書法字體出現。

傳播[编辑]

歴史高頂,漢字曾傳到日本、朝鮮、琉球、越南,由此形成漢字文化圈。日本由漢字刱製出假名(日文:仮名);用漢字訓讀伽个本土詞;貤造上一些字,如雫榊畑。越南仿照漢字造上好些字,喊得喃字(越南文:𡨸喃)。境内个民族也曾借用或者借鑒仿造過漢字來書寫自个語言,比方契丹、女真、僮族、白族、瑤族、侗族等等。漢字搭其个衍生文字一度繁榮。現今,朝鮮、韓國、越南已經紛紛个去漢化掉哈,通行漢字个地方還剩落中國大陸(簡體中文)及港澳臺地區(繁體中文)、新馬地區(簡體中文)搭日本。

構字[编辑]

漢字个構字原理古人總結為六書,即象形、指事、會意、形聲、假借、轉注。頂早由許慎提出來。

  • 象形,便寔指照事體个外形來造字个方法。比方,日月山水犬豕,種字便寔依象形法造个。
  • 指事,寔一種抽象个造字法,比方“一”就寔劃一横,“二”就寔劃兩橫。“刃”个一點點得象形个“刀”个刀鋒高頂,表示刀刃’
  • 會意,寔獨體个字根合起來組出新个意義。比方日月爲“明”。
  • 形聲,寔聲符加義符組成新字,比方,裏,从衣里聲。有種形聲字个聲旁也表意,比方,“返”字个“反”貤表示來還貤表音。形聲字來現代漢字裏向佔个比例頂大。
  • 轉注,簡單講,就是一組字意思相同而弗同音,好互相注釋个。六書裏向,條一般認爲寔“用字法”,許慎對其个具體含義解釋忒省力,便介後世對其个解讀可以話寔眾說紛紜。
  • 假借,寔用關係弗大大个某箇字表記另外一箇字。比方“云”本來寔箇象形字,後來假借爲說話个意思,爲表示云彩个“云”貤造上箇形聲字“雲”



Commons-logo.svg
维基共享资源里向寻得着搭该篇文章搭界个多媒体资源:
Commons-logo.svg
维基共享资源里向寻得着搭该篇文章搭界个多媒体资源: