泥城之战

泥城之战是来勒满洲帝国后期，上海租界搭清帝国军队爆发个一场战争。此战以租界个胜利告终。也宣告上海共同体个确立。

经过

1853年3月，太平天国占领南京。4月12日，上海租界当中个外国人也做出反应。来勒英、法、美三国领事个倡导下，伊拉召开上海租地西人大会，决定，让侨民组织万国商团（义勇队），奉行武装中立个方针，让租界安全得到维护。1854年4月4日，清军想从租界进攻占领县城个小刀会，万国商团来勒英、美海军个帮助下，用武力拿清军强行阻止过界，史称泥城之战。