水晶之夜

来自 吴语维基百科
蹦到: 导航搜寻

水晶之夜是指1938年11月9号至10号凌晨,纳粹党员搭党卫队袭击德国全境个犹太人个事体。个畀认为是对犹太人有组织个屠杀个开始。

背景[编辑]

希特勒勒西元1933年當選德國總理,開始推廣歧視猶太人个觀念。兩年之後渠亦頒佈紐倫堡法令,規定德國猶太人弗是德國公民,弗准參加選舉、擔任公職,渠拉要搭另外德國人結婚也弗來賽。

經過[编辑]

西元1938年11月9號到10號夜裡,德國搭仔奧地利个納粹黨人同仇視猶太人个平民一道搞破壞,拿猶太人个商店(一塌刮子有七千多爿)、教堂敲勒糊沓沓。夜裡向玻璃落勒地央裡邪氣像水晶,個了德國人就謳渠“水晶之夜”(Kristallnacht)。至少三萬有銅鈿个猶太人畀秘密警察捉得去,渠拉个財產也畀納粹德國沒收哉,還有些猶太人直接畀暴民打殺。

意義[编辑]

該事體代表仔納粹對猶太人个迫害全面升級,之後勒德國佔領个地區集中營、滅絕營陸續出現。