文子

出自维基百科,自由个百科全书
該篇文章介紹个是《文子》該部道家典籍。

文子》是戰國晚期道家假託老子个徒弟文子寫个書,後來亦畀唐玄宗定為道教个《通玄真經》。《文子》个作者熟讀《老子》,而書裏頭个思想也搭《老子》个思想邪氣接近。該部書勒戰國晚期寫好之後,後頭去整理个人亦拿交關渠拉自家个解釋混進著殘本裏向,實梗就變成功著倷伲乃晌看見个《文子》哉。先秦古本个《文子》對《淮南鴻烈》个寫作產生過影響,書裏頭引用老子个閒話對研究《道德經》文本變遷也有一定幫助。乃些傳世个《文子》一塌刮子有廿二篇,篇名是:道原、精誠、九守、守虛、守無、守平、守易、守清、守真、守靜、守法、守弱、守樸、符言、道德、上德、微明、自然、下德、上仁、上義、上禮。