捧景配启 (拳手)

来自 吴语维基百科
蹦到: 导航搜寻
泰国「铁金刚」拳手捧景配启 (拳手)个纪念碑顶浪个青铜像

捧景配启(泰文:โผน กิ่งเพชร,英文:Pone Kingpetch,原先个名称是:马那·西多伐มานะ สีดอกบวบ,1935年2月12号—1982年)泰王国第一个世界王,勒班武里府华欣出生。年轻个辰光,居勒勒曼谷隆宾尼拳场学习拳术,得到名师指点,进步交关快,19岁辰光得到泰国青年拳击冠军,1960年25岁,头一趟挑战世界次轻量级冠军阿根廷白斯古亚勒 別列斯Pascual Pérez)就以点数击败对手,得仔次轻量级拳王个金腰带,后头又三次对阵日本拳手原田政彦初战失利,必过呒拨丧气,再战击倒对手,三战又以点数击败对手卫冕成功,该歇辰光勒拳坛浪拨传作佳话。

1965年正式挂起拳套,告別仔职业选手个生涯,开办武术馆教徒弟,培育仔一星泰国年轻个国家拳击手。不料勒1982年英年早逝勒勒曼谷,仅有47岁。伊家乡里向人人晓得伊个大名,乃歇勒华欣市市中心有一过「捧景配启公园」,公园里向顶顶显眼地方就是个纪念碑,上头有个铜像表现比赛得胜后交关兴奋,振臂高呼,激励仔后人好要为国争光。

外部链接[编辑]

Commons-logo.svg
维基共享资源里向寻得着搭该篇文章搭界个多媒体资源: