屯堡人

屯堡人，也叫“京族”“凤头苗”，据说是明朝江南汉兵平定西南过后留勒贵州屯田戍边个后裔。弗过也有交关人讲伊拉是当地土著畀同化后身份认同混乱个典型产物。

上世纪八十年代，屯堡人搭贵州弗少地区个穿青族群一道申请成为少数民族，后来畀鉴定是早期汉族移民。屯堡人延续著明代江南人个风俗，固守著江南文化。屯堡人搭少数民族弗通婚，搭外界交流也弗多，勒语言、服饰、饮食、信仰、民居建筑还有娱乐方式等方面侪搭周边本土村寨弗同。屯堡人自我认同为“南京人”、“京族”。

人口

贵州安顺周边住著大概30几万屯堡人。大部分人侪住勒七眼桥镇。

文化

屯堡人大部分来自江南地区，自称“京族”。弗搭周边其他少数民族通婚。

建筑

屯堡民居大多数侪是石屋，以四合院为单位，不过每个村侪有整体设计，著眼于軍事功能。小巷两面侪有石门，有外敌进攻村里，关好石门就好哉。巷子墙头浪打著弗少洞，来监视、攻击敌人。虽然有搿点军事功能，不过细节浪做的也蛮精细，比如垂花门、篓空隔窗侪搭江南个木雕、石雕差弗多。

服饰

1896年日本人类学家鸟居龙藏个照片证实：屯堡妇女一直到20世纪时还著著交领右衽服装。但不过后来短短几十年就发生著剧变，立领厂字襟个满族服装彻底代替著汉服。屯堡人服饰勒今朝个汉族当中，往往反畀认为是少数民族。不过，因为现在屯堡人个服饰搭明代汉服差异忒大，更加像清代辰光汉族个服饰，因为屯堡人服饰搭中国其他民族服饰一样，侪受清代薙发令个影响，让服饰带有满族特色。服饰搭现代个苏州东南甪直水乡服饰更接近。

言话

屯堡人个言话遵循“离乡不离腔”个祖训，保持著明代江南口音，接近今朝个老南京言话。