孙休

来自 吴语维基百科
蹦到: 导航搜寻

吴景帝孙休(235年-264年),字子烈,是孙权第六个倪子,是吴国第三任皇帝,在位六年。

生平[编辑]

太元二年(252年)受封为琅琊王,住勒虎林,搿歇辰光十八岁。同年四月,孙权因为得之风疾病死勒建邺,俚个倪子孙亮继位,诸葛恪秉政,弗欲诸王勒滨江兵马之地,拿孙休迁到丹杨郡。之后又因为丹杨太守李衡几次以事侵扰孙休,孙休上书乞求迁到其他郡,孙亮下诏迁孙休到会稽郡。 太平三年(258年)九月廿六号,孙綝发动政变,罢黜孙亮为会稽王,迎立孙休为帝,孙休三次辞让而受,改元永安。孙休登基,封孙綝为丞相,孙綝权倾朝野,最后孙休除脱孙綝。 孙休在位期间,以卫将军濮阳兴为丞相,廷尉丁密、光禄勋孟宗为左右御史大夫。布典宫省,兴关军国。 孙休崇尚文化。永安元年创设国学,置学官,立五经博士,选送吏中及将吏子弟好学者就学,搿是南京太学之滥觞,韦昭是首任博士祭酒。 武功方面,呒没啥个建树。想要先统一南方,永安七年(264年)二月,趁蜀中无主,西征巴蜀,以镇军将军陆抗、抚军将军步协、征西将军留平、建平太守盛曼,领大军围蜀巴东守将罗宪。魏派将军胡烈领步骑二万侵扰西陵,来救罗宪,陆抗等只好引军退回吴国,最终朆夺取蜀汉故地。 同年七月,孙休病重,弗能讲闲话,还能写;搿一年三十岁英年早逝。丞相濮阳兴、左将军张布游说朱皇后,因为蜀国初亡,交阯携叛,国内震惧,希望立一个年纪大个君主,所以立孙和个倪子孙皓嗣位。 孙皓继位后,勒元兴元年(264年)十一月,杀脱濮阳兴搭张布。又勒甘露元年(265年)七月,逼杀孙休个家子婆景皇后朱氏,只勒苑中小屋治丧,又送孙休四个倪子到吴小城。

倪子[编辑]

豫章王孙𩅦:孙休长子,262年立为太子。266年畀孙皓杀脱。 汝南王孙𩃙:孙休次子。266年畀孙皓杀脱。 梁王孙壾:孙休三子。 陈王孙𠅨:孙休四子。