医疗游客

来自 吴语维基百科
蹦到: 导航搜寻

医疗游客(英吉利言话:Medical Tourist)“医疗旅游”先开头是旅游社搭媒体拉想出來个术语,指伊垃为节省钞票弗辣本国看医生,而跑到外国看病搭动手术个人。另外呢,医生自家跑到外国去搭人家看毛病阿叫“医疗旅游”。

医疗游客想做个手术有种呢性命交关,有种呢可有可呒,像关节复位(脚馒头/臀部)、心脏手术、牙科手术还有整容咾,侪是老热门个。有种人个先天遗传毛病是一般性碰大勿得着,佢拉就出国去寻医疗技术先进个、会得看迭种介毛病个地方去看。 虽然讲行个就是迭眼,其实其它个医疗项目阿几几乎要啥侪有,疋似讲精神病治疗、替代疗法、康复训练,甚而至于丧事人家阿肯弄个。

现在已经有超过50只国家拿医疗旅游当仔民族工业了。不过呢,资格执照挺仔来各个地方没统一个标准个,乃末搞得来有种客人医疗旅游好一埭身体比原来还要推板。

来许“全球健康”个语境里厢,“医疗旅游”个意思勿大好,啥道理,迭种看毛病呢医生往往瞎来来,有种么做个手术么弗是佢个专业个,或者呢质量搭佢平常上班辰光个弗一样(就是讲夜壶台了。)

乃朝到资源紧张个场化去相帮个学生志愿者、专业医疗指导、还有研究人员是越来越多了。医疗旅游一直来许发展,葛落讲阿拉要待佢重视起来。