冰壶

来自 吴语维基百科
蹦到: 导航搜寻
冰壶赛场

冰壶又叫「冰上溜石」,是一项队制个冬季奥林匹克运动会项目。冰壶用个「壶」称为「石壶」,运动员要拿对方个「石壶」击跑,並拿己队个「石壶」留拉比赛场地个圆心里。

历史[编辑]

冰壶起源于16世纪苏格兰,当时冬天个人会得来拉冰冻个水塘湿地上薄相一種推石球游戏。顶早个冰壶来拉1511年个苏格兰首次出现比赛,后头17世纪比赛用个石头加仔隻手把变成功现代冰壶个最初外形。

18世纪时期,冰壶游戏由英国军队传至北美洲,並且逐渐普及。之后20世纪,出现室内运动场,冰壶个发展更进一步。1966年国际冰上石壶总会来拉英国成立。1980年,箇種来拉冰上推石壶到目标地个游戏成为奥运会一个认可体育运动长野冬季奥运,男、女冰壶赛首度成为正式个比赛项目。

规则[编辑]

冬季奥运上个冰壶[编辑]

冰道
专用刷子

比赛用个「石壶」必须是隻花岗岩打磨而成、並加上光油个球,佢个球身稍呈扁状,外加有柄,直径29厘米、重量19.1公斤横里。比赛时共有五个运动员,一个后备,四个分别是「主力」(Lead)、「第二人」(Second)、「第三人」(Third)搭顶重要个「队长」(Skip)。

运动员来拉长44.5、阔7.5米个比赛场地里,拿“石壶」推向场中「大本营」(House)个圆心(Tee)。大本营直径12英吋,圆心半径0.15米,「石壶」要滑行至「大本营」再有机会得分。

比赛当中,每队要派上4位运动员,4位运动员来拉一局之中,各要两趟拿“石壶”推向圆心范围。一局之尾,“石壶”位置比对手距离中心点顶近个可得到1分。一场冰壶比赛拢共10局,总分高个一方获胜。

比赛中,一位运动员要着比赛专用个鞋子,从起点线拿「石壶」推出时,另外两位运动员要来拉「石壶」前用毛或秆制成刷子协助「石壶」滑动,好让「石壶」到达圆心里向。而两位以刷子协助「石壶」滑动个运动员到仔栏线(Hog line)上,需要让「石壶」自行滑行。

外链[编辑]

Commons-logo.svg
维基共享资源里向寻得着搭该篇文章搭界个多媒体资源: