东突厥斯坦

出自维基百科,自由个百科全书

东突厥斯坦 (维吾尔语: Sherqiy Türkistan), 也称为维吾尔斯坦(Uyghuristan), 是勒拉中国新疆搭仔中亚东部个大突厥斯坦个一部分。搿个场化个居民包括邪气多个中国少数民族,根据新疆自治区2003年个抽样统计,拢总1933.95万人口里向超过10万个民族依次为:维吾尔族882.35万,占总人口个45.62%;汉族771.l0万,占39.87%;哈萨克族135.21万,占6.99%;回族86.67万,占4.48%;柯尔克孜族17.37万,占0.90%;蒙古族16.69万,占0.86%。著名个商人搭旅行家马可波罗勒拉1272年到过突厥斯坦。

东突厥斯坦个语言

大突厥斯坦拨分成西突厥斯坦(老早个苏联加盟共和国) 搭仔东突厥斯坦(拨中华人民共和国作为新疆维吾尔自治区管理,维吾尔分离主义者称为“维吾尔斯坦”)。天山搭仔帕米尔山脉粗略划分两个突厥斯坦。东突厥斯坦(现在个新疆维吾尔自治区)包括一些突厥文化个著名城市,特别是喀什、和田、吐鲁番、莎车、伊犁、阿克苏、库车搭仔阿勒泰。

东突厥斯坦也明显拨东突厥斯坦独立运动提到,第一东突厥斯坦共和国,1933年到1934年勒拉喀什附近存在个一个短命国家,第二东突厥斯坦共和国,从1944年存在到1949年中国人民解放军进入搿个地区。

外部链接[编辑]